මැස්සෙක්, මකුළුවෙක් සහ තවත් පින්තුර - Insects (Close-up)

දෙසැම්බර් මාසේ ගලන්න පටන් ගත්ත සීතල තවම මැකිලා ගිහින් නෑ. සීතල නිසාම කම්මැලි කම වැඩි වෙලා. පහුගිය ටිකේම පින්තුර ඇල්ලිල්ල හොදටම අඩු වෙලා. ටිකක් කාර්ය බහුල උන එකත් ඒකට බලපෑවා. එත් ඉතින් මගේ කොම්පිතරේ ආලෝක කාමරේ (light room) පරණ පින්තුර පුරවලා තියෙනවනේ. ඔන්න පරණ පින්තුර ටිකක් ඇදාල ගත්තා. 

මැක්‍රෝ හෙවත් පුංචි දේවල් වල පින්තුර ගැනීම ප්‍රවීන වගේම ආදුනික චායාරුප ශිල්පීන් ගොඩ දෙනෙක් කැමති දෙයක්. ඉතින් පින්තුර ඇල්ලිල්ලට ආදුනික මමත් හරි කැමති මේ වැඩේට. එත් ඉතින් සමහර ලංකික ප්‍රවීන චායාරුප ශිල්පියෝ ඔය සමනල්ලු, බත්කුරෝන්ගේ, මැස්සන්ගේ පින්තුර අරන් පලක් නෑ කියල කියනවා බුකිය පැත්තේදී නම් දැකල තියෙනවා. මම නම් විනෝදෙට මේ පින්තුර ඇල්ලිල්ල කරන නිසා මම කැමති කැමති පැත්තට මගේ කැමරාව හරවනවා. 

මැක්‍රෝ පින්තුර ගන්න ආස උනාට මොකද එකට ඕන යටිතල පහසුකම් නෑ නේ මං ලග. හොද මැක්‍රෝ කාචයක් සැහෙන්න ගණන්. දැනට මේ සෙල්ලමට වියදම් කරලා තියෙන ගාන දැනගත්තම ගෙදර මිනිස්සුන්ට හිල්ලුව විදිහ මතක් වෙනකොට නිකමටවත් එකක් ගන්න හිතෙන්නේ නෑ. කොහොම හරි මම ගත්ත බාල අඩු මිල close-up පහසුකම ඇති කාචෙන් ඇල්ලුවා පින්තුර ටිකක් තමයි මේ. ඒ නිසා මේවා මැක්‍රෝ නෙමෙයි. ලග- උඩ (close-up) පින්තුර. 

මේ විදිහෙම close-up පින්තුර ටිකක් වෙච්ච සමනල් එකතුව වැඩි දෙනෙක් දකින්න නැතුව ඇති. මෙන්න ඒ පැත්තට පාර.

සමනල් එකතුව 1

සමනල් එකතුව 2 

මැස්සෙක් ගිය උඩ

අරුම පුදුම වියමන 

තණකොළ පෙත්තා සහ පුත්‍රයෝ  

දවස් ගානක් කන්න පුළුවන් කුණු කැල්ලක් හම්බ උනා 

මේ මල් වලත් රොන් තියෙනවා 

ගස් බඩගාන එකත් ලේසි නෑ 

මැස්සෙක්ගේ රස බලන බත් කුරෙක්.(මැස්සාගේ ඇග කටේය. ඔලුව ලියට යටින් කකුල්වල රදවගෙනය)

සර්කස් පැසිපියා - වැටුනොත් ලෙලි ගියා 

රේණු තලා මල් නොතලා 

මුදුනා 

ආඩම්බර කාර තණකොළ පෙත්තා

මගේ කරුමෙටම වගේ මම ගොඩක් කැමති මේ පින්තුර ගන්න පාවිච්චි කරපු කාචේ ඊයේ පෙරේද ලෙඩ උනා.