කැලිසේයා - Silouette

මොන ජීවිතද මේ.....

බ්ලොග් සටහනක් තියන්න තියා, බ්ලොග් එකක් කියවන්නවත් වෙලාවක් හොයා ගන්න අමාරු තරමට ජිවිතේ කාර්ය බහුල වෙලා. කාලෙකට කලින්, මැද පෙරදිග ඉදන් ලංකාවට ආපහු ගොඩ බහිනකොට නම් හිතන් හිටියේ, පුළුවන් තරම් සරල ජිවිතයක් පවුලත් එක්ක ගෙවනවා කියලයි. ඒත්, තත්වේ දවසින් දවසම සංකීර්ණ උනා.
මුලින්ම සීමාවාසික පුහුණුව අවසන් උනා. ඒත් එක්කම පුද්ගලික සායනයක් පුංචිවට පයන් ගත්තා. ටික දවසකින් රාජ්‍ය මණ්ඩලයක රැකියාව කරන්න අවස්තාව ලැබුනා. ඔය අතර තුරේ පුංචි දුවක් ලැබුනා. පෞද්ගලික සේවය නිසාම ප්‍රදේශයේ ටිකක් ප්‍රසිද්ධියක් ලැබුණා. ඔය අතරේ රජයේ සේවයට බැදිලා දුෂ්කර කාර්යාලයක රැකියාව කරන්න ලැබුණා.වැඩි කල් නොගිහින් නාගරික කාර්යාලයකට මාරු වෙන්න උනා. ඉතින් දවසින් දවස කාර්ය බහුල උනා.
කලින් තිබුණු විනෝදාංශ ටික මග ඇරිලා ගියා. කැමරාවට දැන් නිවාඩු ලැබිලා. බ්ලොග් එකේ මකුළු දැල් බැදිලා. මෑතකදී චිත්‍රපටයක් බැලුවේ නෑ. යන්තම් වගා කටයුතු ටිකක් නම් කරගෙන යනවා. ඒ හැරුනම ඉතින්, උදේ වැඩට යනවා. හවස එනවා. ආයෙත් සායනයට යනවා. කඩේ යනවා. කනවා, නිදියනවා. ඔන්න ජිවිතේ. වෙලාවකට හිතෙනවා. මොන ජීවිතද අප්පා මේවා කියල.
එකම දේකට තියෙන්නේ මගේ රස්සාව ඉතාම කැමැත්තෙන් කරන්න ලැබෙන එකයි. දවල් වරුවේ ඔෆිසියේ වාඩිවෙලා ඉන්න තියෙන එක කෙසේ උනත්, හවස ඉතාම කාර්ය බහුල සායනයේදී නම් ඉතිං ලොකු තෘප්තියක් එකතු වෙනවා.
කොහොම නමුත් ජිවිතේ දැන් තරමක ස්ථායි තත්වයකට ඇවිත්. දැන් හැම වෙලාවේම උත්සහ කරන්නේ මේ ස්ථායි බව රදවාගෙනම පුංචි නිදහසක් හොයා ගන්නයි.

වැස්සෙන් පස්සේ රජරට 

නොවැම්බර් මාසේ මැද්දේ මහා වැහි දෙක තුනක් ඇද හැලුනට පස්සේ මං නං හිතුවේ රජරට නියගයේ අවසානය කියලයි. ඒත් ඒ වැස්ස රැවටිල්ලක් විතරයි. දැන් ආයෙත් පායනවා හිටු කියල. දෙසැම්බර් මාසෙද කියලා හිතා ගන්නවත් බෑ. කොහොම උනත් ඒ වැස්සට පළාත යන්තම් කොළ පාටට හැරිලා ආවා.
ඔය අතර තුරේ මං රැකියාවේ නියුතු වෙලා හිටපු ගොවිපලට සමුදීලා රජයේ පශු වෛද්‍ය සේවයට බැදුනා. අවුරුදු ගානකට පස්සේ ගොවිපල පරිසරයෙන් මිදිලා කාර්යාල පරිසරයක රාජකාරියට යන්නයි සුදානම් වෙන්නේ. මේ මං ඒ අතහැරලා යන සුන්දර ගොවිපලේ වැස්සෙන් පස්සේ දැකපු දර්ශනයක්.

ප්‍රිස්මය | P R I S M A

පහුගිය දවස්වල සමාජ ජාල වල අලුත් රැල්ලක් ගියානේ prisma කියන පින්තුර සංස්කරණ සේවාව නිසා. හැමෝම prisma මගින් සංස්කරනය කරපු පින්තුර තමන්ගෙ profile පින්තුරය විදිහට දාගෙන හිටිය නේ. ඒවා දැකපු මටත් කුතුහලයක් ඇති උනා ප්‍රිස්ම ගැන. ඉතින්, මාත් ප්‍රිස්මා app එක භාගත කර ගත්තා. හැබැයි, මං නම් ඒක පාවිච්චි කලේ සෙල්ෆි වලට නෙමෙයි. 

මේ මගේ ජංගම දුරකථනයේ ප්‍රිස්මයෙන් සංස්කරනය උනු පින්තුර කිහිපයක්.

අලුත් තොරතුරු...

කාලය බොහොම වේගයෙන් ගෙවී ගිහින්. බ්ලොග් අවකාශයේ ඉතා ක්‍රියාකාරිව සිටි විදේශගත ජීවිතයට සමු දීලා දැනට වසරකුත් මාස දහයක් විතර ගෙවිලා ගිහින්. මේ කාලය අතර තුරේ ජීවිතේ බොහෝ දේ වෙනස් වෙලා.
ලංකාවට ඇවිත් ටික දිනකින්ම මගේ සීමාවාසික පුහුනුව නැවත පටන් ගත්ට්ග බව මං මීට කලින් පෝස්ටුවක සටහන් කලා. පුහුණුව අවසාන වෙද්දිම මගේ ගම් පලාතෙම සායනයක් පටන් අරගත්තා. ඊට මාස කිහිපයක පස්සෙ තමයි ගම් පලාතෙම ගොවිපලක නේවාසික පශු වෛද්‍යවරයා ලෙස සේවය කරන්න අවස්ථාව ලැබුනේ. මේ වෙනකොට මේ රැකියාවටත් වසරක් සපිරිලා.
වඩා සැහැල්ලු ජිවිතයක් ගත කරන බලාපොරොත්තුවෙන් ලංකාවට ආවට මොකෝ දැන් ජීවිතේ බොහොම සංකීර්න වෙලා. ප්‍රදේශයේ ටිකක් ප්‍රචලිත පශු වෛද්‍යවරයකු වෙද්දි කාර්‍යබහුල බව ගොඩක් වැඩි වෙලා. ඒ විතරක්ද, නේවාසික ගොවිපල විතරක් නෙමෙයි, ආයතනයට අයත් වියලි කලාපයේ තවත් ගොවිපලවල් පහක් භාරව ඉන්න නිසා සතියෙ දවස් කිහිපයක්ම මහ පාරෙ ගෙවන්නත් සිද්ද වෙලා. නිතර රාජකාරි කටයුතු වලට සංචාරය කරන්න වුනත්  මගේ  ප්‍රියතම විනෝදාංශය වෙච්ච පින්තූර ඇල්ලිල්ලටත් දැන් වෙලාවක් නැති වෙලා.
ඔන්න ඔය ආකාරයට ජීවිතය ගෙවිල යද්දි මෑතකදිම වෙච්ච්ච විශේෂ දෙය තමයි බිළිඳු කිරි සුවදක් අපේ පවුල එකතු වෙච්ච එක. කාර්‍යබහුලත්වය අතරේ සිතට  නිවන ගේන ගෙදර, මේ වෙනසත් එක්කම වඩා සතුටු දායක තැනක් වෙලා.
ඔන්න ඕව තමයි අලුත්ම අප්ඩේට්ස්. ආයෙත් බ්ලොග් එක නිතර අප්ඩේට් කරන බලාපොරොත්තුවෙන් තමයි මේ සටහන තිබ්බෙ.

පැනොරාමා - PANORAMA

කාලාන්තරයක් තිස්සේ draft ෆෝල්ඩරයේ හැංගිලා තිබුණු පින්තුර කිහිපයක් තමයි මේ පල කරන්න හදන්නේ. පින්තුර කිහිපයක් එකතු කිරීමෙන් සකස් කරපු පැනොරාමා. තිරස් අතට ගත්තු පින්තුරක් ඉහිපයක් ෆොටෝෂොප් භාවිතයෙන් එකතු කරලා තමයි වැඩි වපසරියක් සහිත මේ පින්තුර සකස් කරල තියෙන්නේ. ඉහලින්ම තියෙන පින්තුරය සටහන් කර ගත්තේ සෝමාවතිය චෛත්‍යය අසලදී.

පොලොන්නරුව මඩකලපුව මාර්ගය, දිඹුලාගල හුදෙකලා කදු වැටිය සහ නාට්‍යක් රඟ දක්වන අහස 

නිහඩ කාන්තාරය සහ වර්ණවත් සැන්දෑ අහස 

සිකුරු 

සුන්දර ගිම්හානයක මතක සටහන් - මහවැලි නදී ඉවුරේ

හෙල්මළු 

යුද්ධයේ නටබුන්

ගොවිපලේ සේයා සටහන්

සෑහෙන දිගු නිහැඩියාවකට පස්සේ බ්ලොග් එක පැත්තට ගොඩ වුනා. කෙටි සටහනක් එක්ක මේ පළවෙන්නේ මගේ වර්තමාන රැකියා ස්ථානයේ පරිසරයේදී සටහන් කර ගත්ත සේයා කිහිපයක්.

ජංගම දුරකතනයේ සටහන් උන සේයාරුවක්

ජංගම දුරකතනයේ සටහන් උන සේයාරුවක්